Saltar ao contido principal

As bibliotecas

Desde neno sempre me fascinaron as bibliotecas. A miña relación con elas era pouco menos que ideal porque, no fondo,  con unha, a máis pequena, a do meu pobo ou a do meu colexio, tiña todo o que quería.

Era unha época moi feliz, a memoria fai que certamente todo pasado fose mellor, somerxíame entre todo canto atopaba nunha procura de non sei o que, valíame todo: cómics, libros de animais, fábulas (dos meus favoritos), contos (lembro ter lido todo de Roald Dahl, desde James e o pexego xigante a máis tarde Boy, pasando por Matilda – que me levaran ver aos Cines Ronda con meus sobriños pequerrechos). Era todo bastante inocente e eu necesitaba de algo que levarme á cama cada día posto que desde anano sempre me fun só á cama, creo que no que tiña que ver bastante que meus pais tivesen que atender o bar. Época feliz e de voracidade lectora máxima.

Seguiulle unha época non menos voraz no aspecto lector, pero si máis triste, froito dunha adolescencia complicadiña. Nese tempo as bibliotecas eran para min algo excesivamente inmenso que me facían sentir pequeno: sentía a frustración de saber que en toda a vida non chegaría a ler o que alí había. Lembro ler un libro cada dous días no inverno: xa non viviamos enriba do bar e as horas de estar só multiplicábanse.

A que viña todo isto? Creo que para explicar a sensación que vivín hai uns minutos, nos que fun á biblioteca e volvín sen ningún libro. É a primeira vez que me pasa. Ah, e tamén vén a que acto seguido fun pagar o piso á inmobiliaria e cando me pediron o carné saquei por erro o da biblioteca. A cara da xestora ao velo creo que debía ter certa semellanza coa que puxen eu mirando para as árbores de Ramón Ferreiro ao verme fóra da biblioteca coas mans baleiras.

*Outro día falarei un pouco máis das bibliotecas, que algo temos comentado Borges e eu diso.

Comentarios

Publicar un comentario

Publicacións populares deste blog

Disfraz

Yusuke Hanai Non teño nada claro por onde comezar os soños desta noite pasada porque foron moitos e lémbroos con unha perfección de ton positivo que me descolocou até a min mesmo. Descolocoume non polo positivo senón pola perfección—xa me entendedes, e porque tamén, a pesares de espertar entre eles e cambiar de postura na cama, volven a ter un fío que os conecta. Vou ser moi breve porque me apetece escribir pero non disto. Apetéceme escribir do xeito contrario a como escribo sobre os soños, aínda que tamén me encanta o que ten de creativo aproveitar ese estado de semi-inconsciencia neuronal de polas mañás no que todo na cabeza flúe moi rápido malia que non sexa polos camiños que se move normalmente. Ao que ía, o soño central, o penúltimo e que mellor lembro: era un paseo por unha vila galega de tamaño medio. Escapando un pouco do centro da vila subín por unhas costas cara algo que se vía feito cara a montaña. Semellaba un pouco o paseo cara a Cidade da Cultura. No medio da mont...
Publicar un comentario
Ler máis

sacar un soño do armario

Espertei dúas veces esta noite e a primeira vez que espertei borroume os soños, polo que só me lembro dos dous últimos. Co paso do tempo fun controlando isto e así, cando soño cousas malas ou que fan doer, volvo a durmir outro anaco e fago que un soño aplaque o anterior. Ao que ía é que me lembro dos últimos dous sonos. Do primeiro deles non vou dar conta porque estaba a mamá e sempre que soño con ela é fermoso pero duro. O segundo soño foi sinxelamente espectacular, dos que tras unha porta se vai abrindo outra, os camiños se van multiplicando e ti soñas iso con gusto e podes ir escollendo por onde ir, recreándote. O argumento é moi sinxelo e se vivise Scott Fitzgerald contaríallo para que fixese un conto coma fixo con Benjamin Button: abrín un armario no que eu sabía que había algo dentro máis non me atrevera nunca a abrir. Sabía que alguén se encargaba de abrir de vez en cando para coidar do que alí había. Entón, con medo, abrín e só había unha pomba. Non era exactamente unha pom...
Publicar un comentario
Ler máis

27_05 Cabaliño do demo

Soños de hoxe foron moitos, varios, pero só me lembro de dous. Axitados. Estou mirando a cama e teño as sabas todas revoltas. Sobre todo foi o último o axitado. En Salcedo. O Oso xa recollera, a noite aparecera cedo e ela bicábame moito, escondidos. O de escondidos era porque a min me daba vergoña a cousa. Agora soa Nancy Sinatra e pode ser que fose bonito pero alguén nos vía. Ricardo. Cantos contos contarei? E Vielba fixo a canción. O outro soño era gañar un premio monetario e non cobralo para estar entre os amigos. Xa non era de noite e o sol mancaba nos ollos. Coriandro. Vodka con coriandro. A escena do crime. Domingo sen feira. Escribir outro pouco e se iso baixar tomar algo. Tomar algo un domingo sen feira? Cervexa, letras, punteos de guitarra e domingo sen feira. Punteos moi bos de Jarekus Singleton e unha pega grallando. Vou baixar. Cabaliño do demo.
Publicar un comentario
Ler máis